O‘tkir o‘rta otit: sabablari, belgilari va davolash usullari

☄️ O‘tkir o‘rta otit – bu o‘rta quloq bo‘shlig‘ining infeksion o‘tkir yallig‘lanish kasalligi bo‘lib, u nog‘ora bo‘shlig‘i shilliq pardasining yallig‘lanishi hamda o‘rta quloqning barcha qismlarini qisman yoki to‘liq qamrab oladi. U bolalar va kattalarda keng tarqalgan. Kasallik mahalliy immunitetning susayishi, shamollash, bakteriya, virus yoki zamburug‘larning quloq bo‘shlig‘iga kirishi natijasida yuzaga keladi. Belgilari: quloq og‘rig‘i, isitma, eshitish pasayishi va quloqdan suyuqlik ajralishi. 📎 Sabablari: • Yuqori nafas yo‘llari infeksiyalari (gripp, O‘RVI) • Burun-halqum yallig‘lanishlari (tonzillit, faringit, adenoid) • Immunitetning pasayishi • Quloqqa suv kirishi • Allergik reaksiyalar 💡 Asosiy simptomlari: • Quloq og‘rig‘i • 38–39°C gacha isitma • Quloqdan yiring chiqishi • Eshitish pasayishi • Bosh og‘rig‘i va umumiy holsizlik 🔎 Tashxis usullari: • Otoskopiya • Audiometriya • Timpanometriya • Bakteriologik tekshiruv 🖥 Davolash: • Og‘riq qoldiruvchi va yallig‘lanishga qarshi dori vositalari • Shifokor tavsiyasiga ko‘ra kompresslar • Fizioterapiya (magnitoterapiya, elektroforez, ultratovush) • Zarurat bo‘lsa jarrohlik muolajasi (paratsentez) ☀️ Profilaktika: Shamollashning oldini olish, immunitetni mustahkamlash, burun yo‘llarini toza saqlash, suvda cho‘milganda quloqlarni himoya qilish muhim. Xulosa: O‘tkir o‘rta otit erta aniqlansa va to‘g‘ri davolansa, to‘liq sog‘ayish mumkin.